23/11/2016.
Urria amaieran basora joan ginen udazkenean ze polita dagoen ikustera. Hostoekin jolasten ibili ginen eta masustak aurkitu genituen. Hostoak, gaztainak, ezkurrak etab, bildu genituen gelara ekartzeko. Udazkenarekin zerikusia duten gauzak etxetik ere ekarri genituen: ipuinak, perretxikoak, hurrak, frutak ... “Inurria eta txirrita” ipuina landu genuenez inurritegi bat eta inurriak ere egin genituen plastilinaz. Eta nola ez, horma-irudi polit batzuk ere bai.
Horrenbeste gauza genuenez, erakusketa bat egitea pentsatu genuen. Eta zelako arrakasta! Beste geletako umeak etorri dira eta baita gure familiakoak ere. Egindako lana azaldu diegu eta txalo zaparrada jaso dugu. Eta amaitzeko, frutekin merendola bat egin dugu. Ummmmm, ze goxoa!!!!!!