02/06/2017.
Ekainak 1 izan da Ermuan eskoletako AG21eko Udal Batzordea ospatzeko aukeratutako eguna. Oso ekintza interesgarria izan da eta gustura ibili gara. Denok adi egon gara gure kideek bota dituzten ideiak entzuten, Zinegotzien erantzunak errespetuz eta interesez jaso ditugularik. Plenoa zuzen eman da Interneten bidez eta gure gelako lagunek ordenagailuan aukera izan dute gu ikusteko. Udalbatzarra bukatu denean lunch bat eskaini digute Udaletxeko ganbaran eta joateko orduan oparitxo bat jaso dugu: tiesto bat eta barazki hazi batzuk gure etxean ortu txikitxo bat sortzen hasteko.