2023-2024.IKASTURTEA
19/03/2024.
Aurten ere, Ermuko liburutegiak antolatutako “Idazleak Eskolan” ekimenean parte hartu dugu; Idazle baten liburua irakurtzen dugu lehendabizi, eta ondoren, idazlea gelara etortzen da liburuaren inguruko solasaldia egitera. Ekintza aberasgarria benetan.
2.zikloan Antton Kazabon izan dugu gurekin, eta, 3. zikloan, Naikari Gabilondo eta Iñaki Zubeldia izan ditugu gure artean.
4. mailan Antton Kazabonen “Momolo” izeneko liburua irakurri eta aztertu genuen. Otsailaren 28an idazlearekin izateko parada izan genuen eta liburuari buruz hitz egin genuen. Saioa oso emankorra eta dinamikoao izan zen.
Otsailaren 29an, Naikari Gabilondo 5. mailakoekin egon zen, “Tximeletak eta gozokiak” liburuaren inguruan hitz egiten. Hitzaldi ederra eman ziguna! Oso gustora egon ginen berarekin eta , esan zigunez, berak ere gozatu zuen esperientziarekin.
Iñaki Zubeldia 6. mailakoekin egon da, “Leize-zuloko misterioa” liburuaren inguruan solasaldia ematen. Historia erreala izan da eta Arrikrutz kobako argazkiak erakutsi dizkigu. A zer nolako pasadizoak! Gainera, liburuak sinatzeko aukera ere izan dugu. Ikaragarri ondo pasatu dugu berarekin, eta bera ere oso gustora egon da gurekin. Bukaeran, azkenaldian izan duen saiorik onena izan dela aitortu digu.
Gora euskal idazleak eta gora Ongarai eskola!
Albiste gehiago